وكالات//

زوجين ميريكانيين فعمرهم 38 عام، عاشو 19 عام من المعاناة ومحاولات الإنجاب، ودازو من 15 محاولة تلقيح صناعي بلا نتيجة، لكن أخيرًا تحقق الحلم ديالهم بفضل اختراع علمي جديد معتمد على الذكاء الاصطناعي.

التقنية سميتها STAR، اختصار لـ”تتبع الحيوانات المنوية واستعادتها”، واخترعها الدكتور زيف ويليامز وفريقو فجامعة كولومبيا.

هاد التقنية فيها شريحة سائلة وخوارزمية ذكية كتسكان العيّنة باش تلقى حيوانات منوية نادرة اللي ما كيبانو لا بالعين المجردة ولا بأدق أجهزة المختبر.

ويليامز قال الفكرة جاية من طريقة الفلكيين اللي كيقلبو فالسماء على نجوم صغار وسط الملايين.

قبل هاد الاختراع، الرجال اللي ما ندهمش الحيوانات المنوية ما عندهمش حل إلا عمليات جراحية معقدة ومؤلمة، وما كتنجحش ديما.

دابا، مع STAR، تقدر تلقى الخلايا بلا ما تدخل للجراحة، وهادشي خلا الزوجين ينجحو فالتلقيح ويخلفو أخيرًا.