وكالات//

كشفت نجمة تلفزيون الواقع كيم كارداشيان الحقيقة ديال واحد الفيديو قديم اللي انتشر بزاف وتنسب ليها، كيبان فيه بحال إلا كانت هي ورجلها السابق كانييه ويست تعرضو لحادثة وهما راكبين فواحدة الجيت سكي .

فداك الفيديو اللي تشاف بزاف فعام 2014، كيبان راجل وامرأة كيشبهو بزاف لكيم وكانييه، وهما راكبين فالجيت سكي، وكيضربو فواحد أخر وكيتقلبو على البلاج.

وكتبـات كيم، اللي عندها دابا 44 عام: “عمرني ماننسى داك النهار اللي الناس كانو كيظنو باللي أنا اللي فداك الفيديو، وهو ماشي أنا!”، وهادشي خلق تفاعل كبير وسط المتابعين اللي تصدمو وفرحو ف نفس الوقت حيث عرفتهم بالحقيقة.

ومن جهة أخرى، كيم تكرمات على الخدمة ديالها فمجال إصلاح العدالة، وخدات جائزة إنسانية فواحد الحفل، وقالت إن التجربة ديالها فمساعدة الناس يخرجو من الحبس، بحال الحالة ديال كريس يونغ، خلاتها تفهم مزيان كيفاش كيخدم نظام العدالة فأمريكا.