كود الرباط//
تفاعلات شركة “LC Waikiki” مع موجة الغضب اللي تسبب فيها نشر صورة إشهارية فيها خريطة مبتورة للمغرب بدون أقاليمو الجنوبية، فواحد من كتالوگات الأطفال (الفئة العمرية ما بين 1 و8 سنوات).
الصورة اللي نشرتها الشركة أثارت انتقادات واسعة، خصوصاً بعدما نشر موقع “كود” مقال كيشير لهاذ السلوك الخطير، وتدخل الفريق الاشتراكي بمجلس المستشارين لي وضع سؤال لكاتب الدولة المكلفة بالتجارة، و اللي طرح تساؤلات على إدارة الشركة حول خلفيات نشر خريطة غير مكتملة للوحدة الترابية للمملكة.
ردّ الشركة ما تأخرش، بحيث تم تصحيح الصورة فالموقع الإلكتروني، وتم تعويضها بصورة جديدة كتشير للمغرب الكامل من طنجة للكويرة، كما قدمات اعتذار من خلال التعديل اللي دارتو.
الواقعة كتأكد من جديد أهمية اليقظة الرقمية فحماية صورة المغرب، وكتبرز الدور اللي كيقدرو يلعبوه الإعلام والفِرَق البرلمانية فالضغط والتصدي لأي محاولات للتشويش على قضية الصحراء المغربية.