كود سبور//

لقاو الفتح الرياضي حل لمشكل التيران، اللي يستقبلو فيه الماتش ديالهم ضد المغرب الفاسي، برسم الدورة 11 من البطولة الاحترافية، حيث تيران مولاي الحسن فالرباط مسدود.

وتقرر يتلعب ماتش الفتح الرياضي والمغرب الفاسي فتيران القنيطرة، الاثنين الجاي مع 8 الليل، في انتظار حسم قرار حضور الجمهور للمباراة أو أنها تلعب بلا جمهور.

وكيعانيو عدد من فرق البطولة باش يلقاو تيران يلعبو فيه الماتشات ديالهم، بسبب إغلاق عدد من الملاعب للإصلاح استعدادا لكأس إفريقيا 2025 وكأس العالم 2030.