كود سبور//

ودع المنتخب الوطني المغربي لاقل من 17 عام، منافسات كاس العالم U17 فأندونيسا اليوم السبت، بعدما خسر مع منتخب مالي من ربع النهائي.

وسالا الماتش بين المنتخب المغربي ومالي بنتيجة واحد لزيرو لمصلحة الماليين، بهدف ماركاوه من هفوة دفاعية للأشبال فالشوط الثاني، وكونطر أطاك ختمو ابراهيم ديارا فمرمى طه بنغوزيل، بعدما رجعت له الكورة من البوطو، فالوقت اللي كان المنتخب المغربي متحكم فالماتش والريتم ديالو، وضيع كورات مهمة، واخا الفرص اللي خلقو اللاعبين المغاربة ما قدروش يرجعو فالماتش، مع العلم ان قرارات حكم المباراة الإكوادوري اكوسطو كانت غريبة ومثيرة للجدل.

وبهذه النتيجة، ودع المنتخب الوطني المغربي كاس العالم من ربع النهائي، أما منتخب مالي تأهل للدومي فينال وغيلعب مع منتخب فرنسا.