وكالات//

بعد ما عاش فيها 5 سنين، قرر الممثل الميريكاني المشهور توم كروز أنه يغادر رسميا المملكة المتحدة، ويرجع يعيش في ميريكان.

وكان توم كروز لي تزاد فنيويورك، عاش في بريطانيا هاد المدة كاملة، باش يكمل التصوير ديال السلسلة ديالو “Mission Impossible” .

على حساب ماقال جورنال ” دايلي ميل” البريطاني، فتوم كروز كمل نهار الخميس لي فات التصوير ديال فيلم “Mission: Impossible Dead Reckoning II” ، قبل مايركب في الهيليكوبتر ديالو ويمشي في نفس النهار لميريكان.

وقال مصدر مقرب من الممثل العالمي إن توم كروز بغا يرجع لميركان باش يكون قريب من ولدو “كونور” وصحابو.