كود – كازا ///

قالت تقارير إعلامية، أن البوليس ف بريطانيا رجعو، السبت الفايت، اليكس باتي، مراهق خطفاتو الأم والجد ديالو ف 2017 للعائلة ديالو، حيث استقبل من طرف زوج جدته اللي عندو الحضانة القانونية للقاصر، وعناصر أمن شرطة مانشستر.

وحسب تقارير إخبارية، تم اختطاف المراهق ف الكونجي من طرف الأم والجد، وظل الصبي عايش معاهم حسب طقوس طائفة روحية وبقى كيتنقل بين المغرب وإسبانيا وفرنسا. وبعد إعادته إلى الدولة البريطانية، لا تستبعد الشرطة فتح تحقيق جنائي في الأحداث.

وقبل أيام اكتشف الشاب نية والدته اصطحابه إلى فنلندا وفي تلك اللحظة قرر الهروب، كما أوضحت السلطات الفرنسية أن الشاب مشى وسط الثلج لمدة أربعة أيام ف الطرقان ديال جبال البرانيس، قبل ما يشوفو شيفور ويتصل ب البوليس..