كود سبور//

كيتواصل التضامن العالمي مع المغرب فالفاجعة اللي كيعيشها بسبب زلزال الحوز اللي ضرب الجمعة الماضي بلادنا، وهاد المرة جا دور الأسطورة ليونيل ميسي اللي حتى هو تضامن مع المملكة فهاد الكارثة الطبيعية.

وتفاعل الأسطورة الأرجنتيني ليونيل ميسي مع فاجعة زلزال الحوز كتب غير دابا سطوري فأنستغرام قال فيه: “كنقدم التعازي لجميع عائلات ضحايا الزلزال اللي ضرب المغرب، والدعم ديالي للمصابين والمتضررين من الكارثة الرهيبة”.

وكل مرة كيخرح شي مشهور من مشاهير العالم كيعبر على التضامن ديالو مع المغرب، وراه كان الأسطورة البرتغالي كريستيانو رونالدو حتى هو عبر على التضامن ديالو مع المغرب وضحايا زلزال الحوز فوقت سابق، وغيرو من نجوم الكرة والرياضة العالمية.