الرئيسية > تبركيك > بعد كثر من 40 عام.. طرف من كَاطو ديال زواج الأميرة “ديانا” والأمير “تشارلز” معروض للبيع – تصويرة
29/07/2021 04:00 تبركيك

بعد كثر من 40 عام.. طرف من كَاطو ديال زواج الأميرة “ديانا” والأمير “تشارلز” معروض للبيع – تصويرة

بعد كثر من 40 عام.. طرف من كَاطو ديال زواج الأميرة “ديانا” والأمير “تشارلز” معروض للبيع – تصويرة

كود – وكالات //

طرف كبير من كَاطو الزواج ديال الأميرة ديانا والأمير تشالز معروض للبيع، بعد مرور 40 عام على زواجهم.

طرف الكَاطو مكون من 5 طبقات، ومزين بالشعار الملكي.

وحسب جريدة “ذا صن” البريطانية، فإن هاد القطعة كانت من نصيب “مويرا سميث” (Moyra Smith)، وحدة من موظفات الملكة الأم، وتعطات ليها بعد حفل الزواج اللي كان عام 1981.

واحتفظت عائلة مويرا بقطعة الحلوى حتى عام 2008، فاش شراها واحد الكوليكسيونور (جامع للتحف)، واللي غايعرضها فالمزاد بمدينة سيرنسيستر (Cirencester).

وحسب الصحيفة البريطانية، فممكن يتباع هذ الطرف ديال الحلوى مقابل 500 جنيه إسترليني.

وقال خبير المقتنيات الملكية أن هذ الطرف ديال الكَاطو “تذكار غريب وفريد من نوعو”، وزاد وهو كايضحك: “مانصحش شي واحد ياكلها”.

موضوعات أخرى