الرئيسية > آش واقع > بعد فضيحة تعيينات مكتب الكهرباء.. نايضا على المالكي بسبب دعمو للائحة الشباب ببلاغ رسمي باسم مجلس النواب بلا ميتشاور مع مكونات البرلمان
27/01/2021 19:30 آش واقع

بعد فضيحة تعيينات مكتب الكهرباء.. نايضا على المالكي بسبب دعمو للائحة الشباب ببلاغ رسمي باسم مجلس النواب بلا ميتشاور مع مكونات البرلمان

بعد فضيحة تعيينات مكتب الكهرباء.. نايضا على المالكي بسبب دعمو للائحة الشباب ببلاغ رسمي باسم مجلس النواب بلا ميتشاور مع مكونات البرلمان

كود الرباط//

كشفت مصادر برلمانية ل”كود” أن البلاغ لي خرج به رئيس مجلس النواب الحبيب المالكي، بحالو بحال فضيحة التعيينات لي دار فمكتب الكهرباء، بحيث أنه اعلن باسم المؤسسة التشريعية عن دعمه لمطالب الشبيبات الحزبية بالابقاء على لائحة الشباب في الاستحقاقات المقبلة.

الموقف اللي دار المالكي باسم البرلمان، نوض عليه العجاجة، خصوصا وانه دار موقفو الشخصي باسم البرلمان.

وتابعت ذات المصادر، “مكتب مجلس النواب مافيهش غير الاتحاد الاشتراكي، راه فيه اغلب الفرق البرلمانية، كيفاش هضر باسميتهم ودار موقف لدعم اللائحة الوطنية للشباب، اللي تم الاتفاق بحذفها، حسب ما صرح به زعيم حزبي لموقع هسبريس”.

مصدر من مكتب مجلس النواب استغرب بشدة كيفاش كيشتغل المالكي، بل وصفه بأنه يتصرف كأن مفاتيح المؤسسة التشريعية كلها بيدها، خصوصا في الوقت اللي ديجا نبهوه وقالو ليه خصك تشاور قبل مادير شي خطوة ولا شي فضيحة بحال التعيينات ديال باك صاحبي فمكتب الكهرباء.

يشار الى المالكي رئيس المجلس أكد أن حضور الشباب أعطى نفسا جديدا للحياة البرلمانية ببلادنا، مضيفا: “ولا يمكن تصور برلمان مستقبلا دون تواجد تمثيلية هامة لفئة الشباب والنساء”.

موضوعات أخرى