الرئيسية > آش واقع > بعد غبرة طويلة. اليوبي لـ”كود”: ماعنديش صلاحية باش نجاوب الصحافيين.. والوزارة دايرة آلية ديال التواصل عبر المستشار الإعلامي
19/01/2021 18:30 آش واقع

بعد غبرة طويلة. اليوبي لـ”كود”: ماعنديش صلاحية باش نجاوب الصحافيين.. والوزارة دايرة آلية ديال التواصل عبر المستشار الإعلامي

بعد غبرة طويلة. اليوبي لـ”كود”: ماعنديش صلاحية باش نجاوب الصحافيين.. والوزارة دايرة آلية ديال التواصل عبر المستشار الإعلامي

عفراء علوي محمدي- كود//

بعد ما غبر شهور طويلة، قال مدير مديرية الأوبئة ومحاربة الأمراض، محمد اليوبي، أنه “ماعندوش صلاحية الجواب على أسئلة الصحافيين”، فاش ستفسراتو “كود” على دخول سلالة كورونا الجديدة للمغرب.

ووضح اليوبي، فتصريحو ل”كود”، أن الوزارة هي اللي كتعين شكون اللي يقد يجاوب على أسئلة الصحافيين، “وأنا خاص يتعطاني الضوء الأخضر من الوزير أو من رئيسي المباشر اللي هو الكاتب العام دالوزارة باش نقدر نتكلم مع الصحافة”، على حد قولو.

ونفى اليوبي خبر أن الوزارة مانعاه، لكن كاين مستشار إعلامي هو اللي كينسق مع المديريات المعنية، باش كيشوفو شكون اللي يقدر يتواصل.

وزاد أنه منين تسالي الأزمة داك الساعة تقدر تكون لقاءات مطولة يتكلم فيها على كيفاش نجحات الوزارة وشنو التعقيدات اللي واجهاتها وتفاصيل كثيرة، “لكن دابا الأهم هو التركيز على الأخبار اللي ممكن تهم البلاد فهذ الظرفية، بمواطنة ومسؤولية، وشكون كيتواصل وشكون لا مجرد تفاصيل”.

وحاولات “كود” فالمقابل تتواصل مع المستشار الإعلامي دالوزارة المكلف بالتواصل مع الصحافيين، لكن تيليفونو صونا دون جواب.

موضوعات أخرى

26/02/2021 12:20

خبار غايفرح العائلات.. مندوبية السجون سمحات بتنظيم الزيارات العائلية ف لحباسات بعدما تحسنات الوضعية الوبائية فبلادنا.. وها كيفاش

26/02/2021 12:00

مفاوضات وكواليس “القاسم الانتخابي”..قادة ال”بي جي دي” خايفين من تعديلات الأحزاب الاخرى ومصدر لـ”كَود”: المفاوضات مبقاتش مع الداخلية و خاص الاحزاب يتفاهمو بيناتهم