وكالات //

كتقول تقارير صحفية هندية أن جوج من أشهر لي كوبل في “بوليود” أديتيا روي كابور وأنانيا بانداي تفارقو، وهو شي لي صدم عدد كبير من ليفان ديالهم في الهند والعالم كامل.

على حساب ماقال الجورنال ديال “تايم أوف إنديا” فهاد الكوبل المشهور بالعديد من الأفلام في الهند وفالعالم تفارقو هادي شهرين.

ونقل الجورنال تصريح ديال واحد المصدر كيقول أنه مقرب من الكوبل مزيان وكيقول أنهم تفارقو بصح وكل واحد دابا عايش حياتو بوحدو، وباغين يعيشو حياة جديدة وهادية.

وكان الكوبل أديتيا روي كابور وأنانيا بانداي تصدر الحديث ديال الناس ف السوشيال ميديا في بزاف ديال الخرجات ديالهم، من هادي عامين، فين علنو الارتباط ديالهم رسميا.