كود الرباط//

تضاربت الآراء حول واقعة سقوط فتاة داخل فيلا تعود ملكيتها للبرلماني ياسين الراضي، رئيس جماعة سيدي سليمان المعزول بقرار قضائي نهائي.

وأكدت مصادر “كود” أن الأحداث وقعت في فيلا ياسين الراضي، وقعات هادي كثر من شهرين، انتهت باعتقال ياسين الراضي النائب البرلماني عن الاتحاد الدستوري والرئيس السابق لجماعة سيدي سليمان، وإيداعه سجن العرجات في سلا يوم الخميس الماضي 25 ماي الجاري.

المعلومات التي توصلت بها “كود” تفيد بأن معطيات جديدة تقدر تغير مسار المحاكمة، خصوصا بعدما تروجت بشدة أنباء عن تنازل الضحية المفترضة عن شكايتها ضد ياسين الراضي وصديقه.

لكن تصريحات الضحية المفترضة لموقع “الحياة اليومية” أثار من جديد شكوك حول حقيقة الحادثة، خصوصا ما إذا كان فعلا ياسين الراضي قام بدفعها أم لا.

دبا التحقيقات القضائية غاتجاوب فعلا واش دفعها أو لا أو أنها فقط كانت فحالة سكر فديك الليلة وطاحت. فرضيات كثيرة حول الحادثة مطروحة إلى حين انتهاء التحقيقات.

الشكاية لي دارت الضحية فيها بلي خرجت مع صاحبتها (لي خرجات معها شي جوج مرات قبل بلا مشاكل) ومور السادسة مساء يوم 16 مارس 2021، ومشاو لفيلا الراضي، مورها تلقات الأم ديالها اتصال مع السادسة صباح من يوم 17 مارس كيقولو ليها بنتك فسبيطار الشيخ زايد.

دبا كاينا هضرة وتضارب حول واش دفعها شي حد فالفيلا أو طاحت. كولشي غايجاوب عليها فالتحقيقات والقضاء غايقول الكلمة الاخيرة.