كود سبور//

ربحت الجامعة الملكية المغربية لكرة القدم، موهبة جديدة لمصلحة الكورة المغربية فصراعها مع اتحادات الكورة فأوروبا على المواهب المغربية اللي زايدين بالدول الاوروبية.

وهذه المرة يتعلق الأمر باللاعب الشاب يوسف حمداوي مول 17 عام، لاعب وسط تيران نادي رويال انتويرب البلجيكي، واللي قرر يلعب مع المغرب فبلاصة بلجيكا، وبدل حتى الجنسية الرياضية ديال من البلجيكية إلى المغربية، مع العلم انه سبق له ولعب مع المنتخب البلجيكي لاقل من 17 عام.

للإشارة فالجامعة الملكية المغربية لكرة القدم كانت تفوقت على بلجيكا قبل اسابيع، وقدرت تقنع شمس الدين طالبي مهاجم كلوب بروج باش يلعب مع المغرب فبلاصة بلجيكا.