كود سبور//

طاح الموقع الرسمي الجديد ديال الوداد الرياضي، بعد الإعلان على الإطلاق ديالو بساعات.

وتفاجأت جماهير الوداد الرياضي ملي بغات تدخل للموقع الإلكتروني الرسمي للوداد الرياضي، اللي تم الافتتاح ديالو البارح الجمعة، بانه ما خدامش اليوم وحتى لزوال اليوم السبت راه ما خدامش.

وكايحط هذا المشكل اللي واقع فـ الموقع الرسمي الجديد للوداد الرياضي، إدارة هشام اية منا رئيس النادي فـ موقف محرج مع الوداديين، اللي كانو كايتسناو شي خدمة نقية بعد مدة من الترويج لهاد لإطلاق هذا الموقع باش يقرب الجمهور الأحمر من الفريق ديالو.