كود سبور//

كايطالبو الرجاويين من رئيس النادي عادل هالا باش يجري على المدرب البرتغالي ريكاردو سا بينتو من الفريق اليوم قبل من غدا، وهاد الشي مباشرة بعد الخسارة أمام الجيش الملكي، الثلاثاء فتيران العربي الزاولي برسم الجولة 1 من دور مجموعات دوري أبطال إفريقيا.

ومباشرة بعد خسارة الرجاء الرياضي مع الجيش الملكي بنتيجة 2 لزيزو، طالبو أعضاء من المكتب المديري للرجاء الرياضي ومنخرطين بالنادي من الرئيس عادل هالا بإقالة المدرب ريكاردو سابينتو كيفما كان الثمن ديال فسخ العقد ويجري عليه من الفريق بعدما فشل فتحقيق الرباح فگاع الماتشات اللي لعب مع الرجا وكملها بالخسارة مع ليفار فالشومبيونزليگ.

وكاتبان أن ساعات ريكاردو سا بينتو مع الرجاء الرياضي ولات قليلة، والمصير ديالو تحسم وغالبا غاتكون الإقالة ديالو خلال الساعات المقبلة بسبب المستوى الكارثي اللي بين مع الفريق، خاص غير يفاريوها معه فالشوط الجزائي.