الرئيسية > كود-تيفي > بعد حملة تضامن كبيرة معاه.. شيفور قتل 4 بالغلط غايدوز 10 سنين ديال الحبس عوض 110 – فيديو
04/01/2022 01:00 كود-تيفي

بعد حملة تضامن كبيرة معاه.. شيفور قتل 4 بالغلط غايدوز 10 سنين ديال الحبس عوض 110 – فيديو

بعد حملة تضامن كبيرة معاه.. شيفور قتل 4 بالغلط غايدوز 10 سنين ديال الحبس عوض 110 – فيديو

وكالات //

خفف حاكم ولاية كولورادو “Jared Polis” الحكم اللي كان خداه شيفور تسبب فكسيدة قاتلة بنفس الولاية، من 110 سنين لـ10 فقط، وقال الحاكم بللي الشي اللي وقع هو “عمل مأساوي ولكن غير مقصود”. وهاد القرار ديال تخفيف الحكم حتى هو دار البوز وخلق نقاش فميريكان.

هادي واحد 10 أيام بدات حملة عالمية شاركو فيها بزاف ديال الناس ومنهم عدد من المشاهير بحال كيم كاردشيان وغيرها، وطلبو من خلالها بتخفيض الحكم ضد شيفور كان قتل 4 الناس بالخطأ فكسيدة وقعات عام 2019 فولاية كولورادو الميريكانية.

السيد، وسميتو “Rogel Aguilera-Mederos” (26 عام)، كان صايكَ رموك وتقطع ليه الفران وتسبب فكسيدة خايبة، بسبابها توجهات ليه 27 تهمة وحكم عليه القاضي بـ110 سنين، لكن الحكم شافوه غالبية الناس قاصح بزاف داكشي علاش دارو حملة للمساعدة و التضامن مع الشيفور، خصوصا أن الكسيدة ماكانتش متعمدة.

وكانو أيضا المحامين ديالو قالو بللي الموكل ديالهم ماشي “بريء” ودار فعلا خطأ لكن الحكم خاصو يكون متوافق مع درجة الجريمة.

موضوعات أخرى