كود – كازا ///

سمحات محكمة النقض ف بلجيكا بعودة للإمام المغربي محمد التجكاني بعد اعتباره خطرا على الأمن القومي وترحيله إلى المغرب. وجا قرار محكمة النقض بعد قرار مماثل لمحكمة استئناف بروكسيل اللي صحات “خطأ” المخابرات وحكمات بعودة الإمام المغربي ديال مسجد الخليل بمولينبيك ووافقات على منحو الجنسية.

وبعد كثر من عامين قضاها ف المغرب، غادي يصحح هاذ القرار خطأ التقارير المخابراتية اللي كانت سبب فـتوقيف هاذ الشيخ فـ 2021 وترحيلو من بلجيكا، بعد ما بالغات فـ تقدير الخطورة ديالو، حسب الصحافة البلجيكية.

وحسب موقع بلجيكي معروف، غادي يحصل الشيخ “محمد التجكاني” على بطاقة هوية بلجيكية فـ غضون 3 إلى 4 أشهر. وصادقت محكمة الاستئناف ف بروكسل على طلب الإمام الرئيسي السابق لمسجد الخليل في مولينبيك الحصول على الجنسية البلجيكية.