كود سبور//

أجلت الشركة اللي تكلفت بمهمة تهيئة ممر اللاعبين د تيران المسيرة الخضراء بأسفي، (أجلت) قرارها بسحب تجهيزات الممر حتى يدور ماتش الفريق ضد دجوليبا المالي ضمن منافسات كاس الكونفيدرالية، من اجل مصلحة الفريق وحفاظا على صورة المغرب، بعدما اضطرت تتخذ قرر سحب تجهيزاتها من الملعب حيث ما تخلصت فيهم.

وكشفت مصادر مطلعة، ان الشركة قررت تخلي التجهيزات فالممر ديال ملعب المسيرة الخضراء بأسفي حتى ليوم الاثنين الجاي، بعدما تدخلو فعاليات مدينة اسفي وقررت تأجيل تنفيذ هذا القرار، وكانت الشركة غادي تمشي البارح الجمعة تاخذ التجهيزات حيث ما تخلصاتش فتهيئة ممر اللاعبين من طرف المكتب المديري لأولمبيك اسفي برئاسة محمد الحيداوي، ولكن تدخل فعاليات مدينة اسفي هو اللي خلى الشركة تأجل قرارها حتى يدوز ماتش الأولمبيك ضد دجوليبا غدا الاحد، حفاظا على مصلحة النادي وحفاظا على صورة وسمعة المغرب والكورة المغربية.

للاشارة فتنفيذ الشركة لقراراها بسبب تجهيزاتها من ممر تيران أولمبيك اسفي، كان غايكون فيه إخلال بدفتر تحملات الاتحاد الافريقي لكرة القدم بخصوص الملعب من طرف أولمبيك اسفي، وغادي يتعتبر خاسر الماتش بالستيلو.