الرئيسية > آش واقع > بعد تحسن وضعيتها الوبائية.. سلطات بني ملال قررات تخفف القيود فالمدينة
26/09/2020 10:20 آش واقع

بعد تحسن وضعيتها الوبائية.. سلطات بني ملال قررات تخفف القيود فالمدينة

بعد تحسن وضعيتها الوبائية.. سلطات بني ملال قررات تخفف القيود فالمدينة

عفراء علوي محمدي- كود//

قررات السلطات الولائية فبني ملال، التخفيف تدريجيا من الإجراءات الاحترازية اللي كانت اتخذتها بعد ارتفاع الإصابات بفيروس كورونا فالمدينة.

واعتبرات السلطات أن الحالة الوباىية فبني ملال مستقرة فهذ الأيام الأخيرة، وقررات تمدد توقيت إغلاق القهاوي والحوانت وليصال ل9 عوض 8دالليل، وتحديد إغلاق السويقات ف6 مساء عوض 3.

وحسب بلاغ ليها، قررات السلطات الولائية تجري اختبارات كورونا للي خدامي فالحمامات، باش تحل هذ الحمامات من بعد، وتفتح السوق النموذجي بقصبة تادلة مع شرط إغلاقو مع 8، وتفتح سوق القصيبة اللي غيحل من 8 دالصباح حتى ل12 دالظهور.

ولكن السلطات خلات الملاعب دالقرب وقاعات الألعاب مسدودة، والفضاذات العمومية والجرادي غيوليو يتسدو مع 6، والمحلات التجارية الكبرى غيسدو مع 9.

موضوعات أخرى

19/10/2020 16:00

تارة يكون الاتحاد الاشتراكي مدرسة وطورا يكون نهرا! نهر ادريس لشكر يشفط أعضاء التقدم والاشتراكية في مراكش

19/10/2020 15:00

كيفاش حباسة فالمانيا ولاو “نجوم” التلفزيون والعمل الاحساني فنشاط غير مرخص وممنوع زمن الجايحة. الزعيترات ولاو كيفرقو الگفة بحال سيدنا. صافي سدات مادام