وكالات//

علنات بريطانيا انها قررات انها تمنع استيراد الأغنام والخنازير والابقار من المانيا بسبب الانتشار ديال الحمى القلاعية في البلاد.

وكيجي هادشي في الوقت لي كتعيش فيه المانيا ازمة حقيقية بسبب هاد المرض ودارت بزاف ديال الإجراءات باش تحد منو.

وماشي النكليز هما اللولين، حينت سبق لكل من كوريا الجنوبية والمكسيك علنو انهم اتاخدو نفس القرار.

والحمى القلاعية ماعندها حتى شي تأثير على البشر ولكن كتنتشر بسرعة بين الحيوانات وكتدي الى الموت ديالهم.