كود -الخميسات //

عرفات قضية بنت الفنانة الشعبية نجاة عتابو تطورات جديدة ومهمة فالمسار القضائي ديالها، بعدما قررات النيابة العامة رسمياً تصيفطها الحبس ديال تيفلت، من بعد ما سالات مدة الحراسة النظرية ديالها

هاد القرار جا بسبب الكسيدة اللي دارت واللي تسببات فوفاة بنت وإصابة ولد كانو راكبين فوق سكوتر فالخميسات ومن بعد تحقيق مفصل على ظروف وملابسات الحادث دارتو النيابة تقرر تنقيلها للحبس فانتظار أول جلسة محاكمة .

ومن المنتظر الأيام الجاية يبانُو تفاصيل أكثر على التهم اللي غادي تتوجه ليها، واش ممكن يكون شي صلح بين الأطراف، ولا القضية غتمشي حتى للحكم النهائي ديال القضاء.

للإشارة الفنانة نجاة عتابو عندها اليوم السبت حفل فبلجيكا وحتى لدابا مكاينش اعلان على إلغاء او تأجيل الحفلة .