الرئيسية > كود سبور > بعد الفشل ديال ويلسون.. الرجاء باغي يسيني مع مهاجم كيلعب فأوروبا
14/08/2022 18:00 كود سبور

بعد الفشل ديال ويلسون.. الرجاء باغي يسيني مع مهاجم كيلعب فأوروبا

بعد الفشل ديال ويلسون.. الرجاء باغي يسيني مع مهاجم كيلعب فأوروبا

كود سبور//

غيضطر الرجاء الرياضي للعودة مرة أخرى باش يبحث على لاعب قادر يمنح الاضافة الهجوم ديالو من بعدما تبين على أن الليبيري بير ويلسون، لي تعاقد معاه قبل أيام قليلة لا يصلح للفريق.

وقررت الإدارة ديال الرجاء الرياضي التخلي على الصفقة لي برمتها مع المهاجم الليبيري ويلسون بسبب عدم اقتناع المدرب فوزي البنزرتي بالمستوى ديالو من بعدما دخل فالمعسكر الاعدادي فمدينة المحمدية، الأمر لي جعل إدارة النادي تقرر الانفصال عليه.

الرجاء دخل من جديد فالبحث على مهاجم قادر يحل المشاكل الهجومية ديال الفريق لي كان كيعاني منها الموسم الماضي، وحسب مصادر مطلعة فمن بين الأسماء لي مطروحة بقوة على طاولة النادي كاين المهاجم الغاني  ريتشموند بواكي ولي سبق ليه لعب لعدد من الفرق الأوروبية فإيطاليا وإسبانيا وصربيا.

للإشارة فالهجوم ديال الرجاء من مراكز الخصاص لي كتطالب الجماهير الرجاوية بالعمل على سدها والتعاقد مع لاعبين مزيانين، خاصة أن المهاجم الليبيري لي جا قبل أيام لم يكن فالمستوى ديال الفريق، بالإضافة للشكل ديال حمزة خابا لي باقي متحلش حيث البطاقة الدولية ديالو مازال عند فريق العربي الكويتي والمشكل حسب مصادر مطلعة كيبغي الوقت باش يتحل مع الكويتيين.

موضوعات أخرى

28/09/2022 08:00

مصدر فالديوانة لجورنال اسباني : المنتوجات المغربية بوحدها اللي غادي تدخل لسبتة عبر الجمارك التجارية والواردات الاسبانية غادي تدخل للمغرب من طنجة