الرئيسية > آش واقع > بعد التقدم والاشتراكية واش الاتحادين الاشتراكي والدستوري خارجين للحكومة. توقعات يمشيو فحالهم من الحكومة وها اش دار لشكر باش يوجد ناسو
02/10/2019 09:45 آش واقع

بعد التقدم والاشتراكية واش الاتحادين الاشتراكي والدستوري خارجين للحكومة. توقعات يمشيو فحالهم من الحكومة وها اش دار لشكر باش يوجد ناسو

بعد التقدم والاشتراكية واش الاتحادين الاشتراكي والدستوري خارجين للحكومة. توقعات يمشيو فحالهم من الحكومة وها اش دار لشكر باش يوجد ناسو

كود احمد الطيب الرباط ///

علمت “كود” ان رئيس الحكومة تلاقى البارح الامين العام لحزب الاتحاد الدستوري محمد ساجيد البارح فالرباط. هادا اول لقاء دارو بنعرفة مع ساجيد. وفق قيادة الاتحاد الدستوري “باغيين نبقاو فالحكومة”. غير هاد القضية ماشي فيديهم. من غير ان عدد الحقائب الوزارية اللي غادية تمشي للاحزاب تقدر توصل ل15 فان الاتحاد الدستوري ما عندوش حظ غير فمنصب واحد وموحالش. الحزب باغي ولكن اختيار التفاوض بوحدو عوض التجمع الوطني للاحرار كيف دارو المرة الاخيرة غادي يضعفو. متوقع جدا ما يكونش فالحكومة.

حزب الاتحاد الاشتراكي سبق كلشي وقال كاتبو الاول ادريس لشكر فبرنامج “حديث الصحافة” علي “دوزيم” هادي اسبوع باللي مع التقليص العددي والتقليص السياسي وباللي قابلين يكون عندهم مقعد واحد. لشكر اللي كان من مهامو يطرح التقدم والاشتراكية من الحكومة وهو ما نجح فيه بشكل من الاشكال وخلى الحزب يصوت البارح على مغادرة حكومة بنعرفة٬ قال فاجتماع حزبي وفق مصدر “كود”٬ باللي غادي يبقى يساند الحكومة سواء شارك بوزير او بجوج او بلا اي وزير.

لشكر ردد انو كالتزام اخلاقي مع هاد الحكومة غادي يساندها سواء دخلها او خرج منها وانو غادي يصوت عليها فالبرلمان.  لشكر اللي كيعرف ينوعر فالسياسة قال هاد الشي وهو عارف كاينة شي حاجة كتوجد.

دابا من المتوقع ايلى خرجات هاد الحكومة٬ يكون فيها 23 وزير بما فيها بنعرفة. هادو فيهم 7 حقائب ما عند رئيس الحكومة يد فيهم والباقي 15 ديال الاحزاب.

موضوعات أخرى