كود الرباط//

قال رضوان الرمضاني، الصحافي في ميد راديو والقناة الثانية، في تصريح لـ”گود” بعدما ترفعو ضدو شعارات تحريضية فمسيرة الإسلاميين اليوم بطنجة تضامنا مع غزة، إنه خايف على سلامتو الجسدية بسبب هاد التحريض.

وأوضح الرمضاني لـ”گود”: “طبيعي نخاف على سلامتي الجسدية، لأنه اليوم وقع ذلك الشي اللي حذرت منو منذ مدة، التأليب والتحريض والتخوين والاتهامات. وما يمكنش نتوقعو هاد الشي فين غادي يوصل”.

وأضاف الصحافي المغربي لـ”گود”: “وأنا كنحمل المسؤولية ماشي فقط لهاداك اللي كان يرفع الشعارات، وأنا عارف شكون وشنو كيدير وشنو توجهو السياسي، بل لكل واحد بدا وساهم فمسلسل التهييج منذ أيام، وراهم عارفين راسهم”.

وتابع المتحدث لـ”كود”: “وهاد الشي أكيد ما غاديش نسكت عليه، والحمد لله كاين القانون فالبلاد، والتسجيلات بالصوت والصورة موجودة، ما حناش فعهد السيبة”.

وشدد الرمضاني فتصريحو لـ”كود”: “وهاد الشي اللي وقع اليوم امتحان كبير للهيآت ديال الصحافة، من مجلس وطني ونقابة وجمعيات، وغادي نشوفو واش قادرة تسجل موقف فهاد الانزلاق الخطير”.

يشار بلي اليوم فطنجة الإسلاميين خصوصا (البي جي دي والتوحيد والإصلاح ومن يدور في فلكهم) رفعوا شعارات تحريضية ضد صحافي مغربي وناشر مغربي، توصفوا بأقبح الأوصاف وطالبوا بطردهم من المغرب. ساواو بين رضوان الرمضاني واحمد الشرعي ودافيد غوفرين والإرهابي.