وكالات //

فواحد الواقعة غريبة فنابولي الطاليانية، رجعو شفارة مكَانة كانو شفروها لواحد التوريست سويسري، بعدما اكتاشفو أنها مزورة.

الواقعة، بدأت مللي كان كَالس توريست سويسري مهار الحد بالليل طرونكيل فلاطيراس ديال واحد الكافي فساحة “تريستي إي ترينتو” (Piazza Trieste e Trento) المعروفة فنابولي، وقصدو شفار وجبد عليه فردي وحيد ليه المكَانة ديالو وزاد بيها.

وبعد 7 دقايق بالضبط رجع صاحب الشفار المكَانة لمولاها، وطلب منو المسماحة على حساب ما نشرات “BBC”.

الشفارة قررو يرجعو للصحية مكَانتو، فقط بعدما عرفو بللي ماشي أوريجنال، وهاد الواقعة صوراتها الكاميرا دالسيرفايونس اللي فالكافي.