وكالات //

علنات الحكومة ديال المكسيك نهار الثلاثاء أنها سلّمات للولايات المتحدة 37 واحد من الناس اللي كينتميو لمنظمات إجرامية، خصوصًا وأن الرئيس دونالد ترامب كيدير ضغط على المكسيك وكيهدّد بإمكانية شنّ “هجمات برّية على كارتيلات المخدرات”، حسب ما قالت وكالة فرانس برس.

وهاد الدفعة هي الثالثة اللي كتسلّمها المكسيك من عام 2025، وبهذا ولى العدد الإجمالي ديال زعماء وأفراد الكارتيلات اللي تسلّماتهم السلطات القضائية الأمريكية وصل لـ92 واحد.

وكتب عمر غارسيا حرفوش، الأمين الفدرالي للأمن العام، فمنصة “إكس” بأن “هاد الخطوة تدارَت وفق قانون الأمن القومي وفي إطار آليات التعاون الثنائي، مع الاحترام الكامل للسيادة الوطنية”.

وجا هاد القرار من بعد أكثر من سيمانة ديال مباحثات بين رئيسة المكسيك كلاوديا شينباوم ونظيرها الأمريكي، اللي تناقشو فيها فالملف الأمني.

وأعلنت شينباوم فـ12 يناير أنها أكّدات لترامب باللي وجود قوات أمريكية فوق الأراضي المكسيكية ماشي مطروح نهائيًا.