وكالات//

كينوي الدكتور فيليب نيتشكي، لي معروف إعلاميا “دكتور الموت”، أنه يقدم الاختراع ديالو، “كبسولة ساركو” ديال الانتحار للمملكة المتحدة.

كيجي هادشي بعدما قررات بريطانيا واحد القانون جديد كيسمع للناس أنهم ينتاحرو في إطار القانون، كيفما كيوقع فبزاف ديال الدول الأوروبية الأخرى بحال سويسرا مثلا.

وقال الدكتور المعروف أنه متحمس بزاف باش يدخل الكبسولة ديال الموت لبريطانيا، واخا الروينة الكبيرة لي منوضاها في سويسرا.

وفتحات السلطات ديال سويسرا واحد لونكيط على الطريقة لي ماتت فيها واحد المراة في سويسرا، وهي أول إنسان كيموت بهاد الكبسولة.

الدكتور فيليب نيتشكي، ولي عندو الجنسية الأسترالية، كيتعتابر من أكبر المدافعين على قوانين الانتحار المدعوم، وكيقول إن القانون البريطاني هو أول خطوة في الاتجاه الصحيح.