كود – وكالات //

صدر المجلس الدستوري فـ فرنسا، اليوم الخميس، قرارو بأن القانون الجديد بخصوص التلقيح الإجباري والتصريح الصحي “كايتوافق بزاف مع ميثاق تأسيس الجمهورية الفرنسية”.

والقانون اللي نوض الصداع مؤخرا فـ فرنسا كايطالب المواطنين باش ياخدو “تصريح صحي” (Pass sanitaire) إيلا بغاو يدخلو للبيران والريسطورات وغيرها من الأماكن العامة، كيف كايطالب الأطر الصحية باش يديرو التلقيح بشكل إجباري ضد كورونا قبل من النص ديال شهر شتنبر الجاي.

لكن فالمقابل، لغا المجلس الدستوري الإجراء اللي كان كايسمح بطرد أي مستخدم (بكونطرا CDD أو أنتيريم) حتى قبل ماتكملش المدة ديال هاد الكونطرا بسباب غياب “التصريح الصحي”، و حيد أيضا “فرض الحجر الصحي الإلزامي” مع إجراء فحوصات على أي شخص ثبتت إصابته بفيروس كورونا.