وكالات//

علنات ألبانيا، نهار السبت، أنها قررات تمنع استخدام “تيك توك” نهائيا لمدة عام؛ بعدما تقتل واحد المراهق عندو ف العمر 14 عام الشهر لي فات.

ونوضات هاد القضية روينة كبيرة في البلاد كلها وتزادو المخاوف بخصوص  تأثير وسائل التواصل الاجتماعي على الأطفال.

على حساب ماجا في وكالة “رويترز”، فرئيس الوزراء إيدي راما  قال بعد الاجتماع لي دار مع مجموعات ديال الآباء والمعلمين من كاع أنحاء البلاد، أن هاد المنع غادي يبدا بداية العام.

وقال إن هادشي كيجي في إطار واحد الخطة كبيرة غادي تحمي الأطفال من التأثيرات ديال مواقع التواصل الاجتماعي كلها.

وزاد أكد: “لمدة عام واحد، غادي نسدوه تماما قدام كلشي، مغاديش يكون تيك توك في ألبانيا”.

وكيجي هادشي في الوقت لي فرضات فيه بزاف ديال الدول الأوروبية بما في ذلك فرنسا وألمانيا وبلجيكا قيود على استخدام وسائل التواصل الاجتماعي للأطفال.