05/12/2023 12:30
ها علاش خاص إلغاء التعصيب فالإرث وتوسيع مجال الوصية وتوريث للي ماشي مسلم.. بنعبد الله رد على بنكيران: هادشي لا يتناقض مع النصوص القطعية
كود سبور//
كيوجد الكول رضا التكناوتي باش يرجع يلعب بعدما غاب على التيرانات لمدة أشهر، بسبب الاصابة اللي جاتو ملي كان مع المنتخب المغربي فمارس الماضي.
وغيدير رضا التكناوتي فحوصات طبية جديدة على الركبة ديالو اللي توعت فيها الموسم الماضي فمعسكر المنتخب المغربي قبل الماتش أميكال مع البرازيل، وهذا الإجراء كيجي باش يحسم الطاقم الطبي المعالج له فموعد الرجوع ديالو للملاعب، باش يبدا يلعب مع الفريق الجديد ديالو المغرب الفاسي فالماتشات الجايين.
وسنا رضا التكناوتي مع المغرب الفاسي فالأيام الأخيرة من الميركاتو الصيفي الماضي، بعدما سالا العقد ديالو مع الوداد الرياضي مع نهاية الموسم الماضي، وقدرو الماص يكونفوكيوه السيمانة اللي فاتت، ودابا كيتسناو الفحوصات الطبية باش يبدا التجربة ديالو مع فريقو الأم.
