نجوى المالحي – كود //

كريمة غيث وأسامة البسطاوي، خرجو اليوم الجمعة أول ديُّو غنائي بيناتهم، بعنوان “قولي قولي” ولي صوروه على شكل فيديو كليب.

الأغنية الجديدة جات باش تأكد أن العلاقة بين كريمة وأسامة البسطاوي مهنية فقط، خصوصا بعدما راجت إشاعات كتقول أنهم مصاحبين، هادشي نفاه البسطاوي بصورة على حسابو في فيسبوك مع مراتو سهام.

الأغنية الجديدة غادي ترجع البسطاوي للساحة الغنائية بعد غياب طويل، بعدما شارك في برنامج “استوديو دوزيم” قبل سنوات.

كريمة غيث، لي بزاف من معجبيها كيقولو انها عندها صوت مميز كانت غبرات من مجال الغنا، بعدما فشلت أنها تنجح في بعض برامج اكتشاف المواهب.

https://www.instagram.com/p/CJopFmzpd8V/