گود سبور//

كشف مصدر ودادي ان اسم المدرب الاوروگوياني دانييل كارينيو رجع كايروج بقوة بمحيط الفريق فالوقت اللي كان فيه النادي برئاسة إبراهيم العسري كايفكرو فالمدرب المغربي امين الكرمة.

ووضحت نفس المصادر لجورنال “گود”، انه حتى لدابا مازال من حسمت ادارة الوداد الرياضي برئاسة إبراهيم العسري فهوية المدرب الجديد، ولكن المرشح الاول لتدريب الحمرا حاليا هو الاوروگواياني كارينيو، في انتظار ترسيم الأمور فالساعات المقبلة والإعلان على اسم المدرب الجديد.

وكايتنسناو الوداديين بشوق باش يعرفو اسم المدرب الجديد للوداد الرياضي، فالوقت اللي كانت مرشحة فيه اسماء كثيرة لقيادة الفريق فالمرحلة المقبلة منها امين الكرمة، الاوروگوياني دانييل كارينيو، والمصري طارق مصطفى، والفرنسي سيباستيان دي صابر.