وكالات//

علن اليوتيوبر المشهور، جيمس جيمي دونالدسون، المعروف بلقب  “مستر بيست”، أنه مستعد يشري تطبيق تيك توك، وهي الخطوة لي بغا يديرها باش يعتقو من المنع لي كيهددو في ميريكان.

وكان مستر بيست نشر هاد  الإعلان في الكونط ديالو نهار 1 فهاد الشهر وكتب كيقول: “صافي غادي نشري تيك تك باش ميمنعوهش”، وهو شي لي بان للناس في الأول انه غير ضحك.

ولكن بعد داكشي بنهار واحد، عاود نشر تدوينة خرا على الكونط ديالو وكانت اكثر جدية وقال فيها:” تلقيت بزاف ديال الاتصالات من مليارديرات لي بغاو يدخلو معايا فهاد بيعة وشرية، نشوفو دابا شنو ممكن يوقع”.

ونوضات التدوينات ديال ميستر بيست روينة كبيرة في السوشيال ميديا بين لي كيضحك عليه ولي واثق فيه، ولكن السؤال لي طرحو بزاف هو واش يقدر بصح يجمع الفلوس لي تخليه يشريه.

فنفس السياق، وقع الرئيس الأمريكي جو بايدن واحد التشريع كيلزم شركة “بايت دانس” الصينية باش تبيع تيك توك قبل 19 يناير ، وإلا غادي يتمنع التطبيق في ميريكان.