گود سبور//

حاضر الدولي المغربي نايف أگرد مع ريال سوسييداد ضد ريال مدريد فروتور كاس ملك إسبانيا، ونفس الشي بالنسبة للمغربي الاخر براهيم دياز.

وبعدما غاب نايف أگرد على ماتش ريال سوسيداد ضد بلد الوليد السبت اللي فات برسم الجولة 29 من بطولة الصبليون، بسبب اصابة جاتو بعدما رجع من المنتخب المغربي اللي لعب مع فالتوقف الدولي الماضي ضد النيجر وتنزانيا، كونفوكاو ريال سوسيداد المدافع المغربي ضد ريال مدريد غدا الثلاثاء فروتور كاس الملك.

أما بالنسبة للنجم المغربي الاخر براهيم دياز فحاضر فلاليست ديال ريال مدريد لهذا الماتش، في انتظار يحسم المدرب ديالو الطالياني كارلو أنشيلوتي القرار واش غايلعبو رسمي ولا غايكون احتياطي، بعدما دخلو رسمي فماتش السبت الماضي ضد ليگانيس برسم الجولة 29 من بطولة الصبليون.