كود سبور//

قررو طرابزون سبور التركي يصيفطو اللاعب المغربي منتصر الحتيمي بحالو، حيث ما قنعهمش بالمستوى ديالو واخا صبرو عليه عامين.

واعلن نادي طرابزون سبور التركي، أنه توصل مع منتصر الحتيمي إلى اتفاق باش يساليو العقد اللي ما بينهم بالتراضي، بدون ما يخلص حتى واحد فيهم شي تعويض للآخر.

وكانو طرابزون سبور سناو مع منتصر الحتيمي فصيف 2022 حتى لصيف 2025، وما قدرش يتأقلم مع الفريق فالموسم الأول، وهما يصيفطوه بريطي للوداد الرياضي اللي لعب معه الموسم للي فات وكان المستوى ديالو متذبذب بزاف، وقررو يتفارقو معه.