وكالات//

النجمة البريطانية أديل كتوجد باش تدير أول تجربة ديالها فـ التمثيل، فـ فيلم جديد سميتوCry to Heaven، من إخراج مصمم الأزياء والمخرج المعروف توم فورد. هاد الخطوة كتشكل تحول جديد فالمسار ديالها بعد النجاح الكبير اللي دارتو فـ الغناء.

وحسب موقعDeadline، الفيلم هو الثالث فـ المسيرة السينمائية ديال توم فورد، ومقتابس من رواية ديال الكاتبة الأمريكية آن رايس اللي تخرجات فـ عام 1982.

القصة كتدور فـ القرن الثامن عشر فإيطاليا، وكتحكي على نبيل من مدينة البندقية وواحد المايسترو من كالابريا اللي كان مخصي، وكيحاولو يديرو بلاصتهم فـ عالم الأوبرا اللي عامر بالمنافسة والطموحات.

أديل غادي تشارك البطولة مع مجموعة ديال الممثلين الكبار، بحال نيكولاس هولت، آرون تايلور جونسون، كولين فيرث، بول بيتاني، ثانديوي نيوتن، مارك سترونغ، جورج ماكاي، داريل ماكورماك، وهنتر شافر.

هاد العمل جا من بعد ما كانت أديل فـ تصريحات سابقة قالت بلّي عندها الرغبة تدخل عالم التمثيل، خصوصاً من بعد ما خدمات مع المخرج كزافييه دولان فـ فيديو كليب الأغنية ديالها المشهورة Hello.