كود سبور//

أكد النجم البرتغالي كريستيانو رونالدو أنه جاوه عروض باش يشارك فمونديال الأندية “الميريكان 2025” باش يلعب معهم فيها، ولكن هو ما بغاش.

وكشف البرتغالي كريستيانو رونالدو فحوار له نشراتو “سكاي” وقال: “جاوني شي عروض للمشاركة فكأس العالم للأندية ولكن كانشوفها فكرة ماشي منطقية، حيث أنا باغي ناخذ وقت كافي باش نرتاح ونوجد مزيان حيث الموسم الجاي غايكون طويل بزاف، وهو موسم غايسالي بكاس العالم”.

وكمل كريستيانو وقال: “باغي نكون واجد ماشي غير على قبل الفريق ديال النصر، ولكن حتى على قبل المنتخب البرتغالي داكشي علاش قررت نلعب المباراة الأخيرة الموسم الماضي فدوري الأمم الأوروبية”.

وكان كريستيانو رونالدو خلق الحدث قبل انطلاق مونديال الأندية، وكلشي كان كايسول على الفريق اللي غايمشي له وكاين اللي ربط الاسم ديالو حتى بالوداد الرياضي.