كود سبور//

رجعو الصبليون كايحومو على الموهبة المغربية آدم أزنو لاعب بايرن ميونيخ الألماني، ومازال طامعين فيه واخا علن اكثر من مرة أنه قرر يلعب للمغرب.

ورسل الاتحاد الإسباني لكرة القدم دعوات خاصة لآدم أزنو مول الـ18 عام والأب ديالو وعرضو عليهم يحضرو ماتش ربع نهائي كأس أوروبا 2024، بين المنتخب الإسباني ومنتخب ألمانيا اليوم الجمعة فشتوتگارت الألمانية، فمحاولة جديدة من الاتحاد الإسباني والمسؤولين ديالو لإغراء اللاعب المغربي.

آدم أزنو خريج أكاديمية البارصا، كان من المنتظر يكون مع لاليست ديال المنتخب الوطني المغربي الأولمبي فأولمبياد باريس 2024 هذا الصيف، ولكن الفريق ديالو بايرن ميونيخ الألماني ما بغاوش، مع العلم أنه علن فوقت سابق أنه اختار يلعب مع المنتخب المغربي.