وكالات//

هدا الفنان المصري أحمد سعد، لمراتو وأم بناتو، علياء البسيوني، سيارة فاخرة بيضاء، بلا ما يوضح شنو هي المناسبة، وهادشي كان على نغمات أغنيتو الجديدة “كل مرة”.

ونشر سعد فيديو على الكونط ديالو في “إنستغرام” كيورينا فيه لحظة تقديم الهدية، وعبّر فيه على حبّو لمراتو وقال في التعليق: “والله لو رجع بيا الزمان ألف مرة.. لاختارك يا أجمل زوجة وأم لبناتي كل مرة”.

@ahmedsaadofficial

الفيديو لقى تفاعل كبير من المتابعين، وناس كثار عبرو على فرحتهم بلمّ شمل العائلة من جديد بعد الخلافات لي خلاتهم يتفارقو العام اللي فات.

وفي الجهة المقابلة، بعض الناس علّقو على التغيرات الواضحة في ملامح الفنان، وقالو باللي داير عمليات تجميلية باش ينحت وجهو ويعّرّض الفك.