كود سبور//

مازال منافس الدولي المغربي اشرف حكيمي نجم باريس سان جرمان على جائزة “مارك فيفيان فوي” لاحسن لاعب افريقي كايلعب فبطولة فرنسا، أما إلياس بنصغير خرج من سباق المنافسة على الجائزة.

وأعلنت كل من قناة فرانس24 وإذاعة فرنسا الدولية، اليوم الاثنين على لاليست فينال اللي فيها 3 لاعبين غايتنافسو على جائزةمارك فيفيان فوي لعام 2025، وهما النجم المغرب اشرف حكيمي، والإيفواري إيفان گويسان لاعب نيس، والسنغالي حبيب ديارا لاعب ستراسبورگ.

وبالنسبة لأشرف حكيمي، فيعتبر واحد من اللاعبين المهمين ديال باريس سان جرمان بطل فرنسا، ومن اللاعبين المهمين فالبطولة الفرنسية والعالم، ويعتبر المرشح الاول للجائزة بعدما قاد باريس سان جرمان للتتويج ببطولة فرنسا، وكان حكيمي جا فالموسم الماضي هو الثاني فهاد الجائزة.