كود سبو//

قرر المدرب عبد الواحد عبد الصادق يعطي الراحة للاعبين الرجاء الرياضي، بعدما ربحو البارح السبت فريق ماميلودي صن داونز الجنوب إفريقي ضمن الجولة 4 من دور مجموعات دوري أبطال أفريقيا فتيران العربي الزاولي، قبل ما يبداو يوجدو للماتش ضد فريق الجيش الملكي السبت الجاي برسم الجولة 5 من المسابقة.

وبخصوص اصابة كل من محمد زريدة ويوسف بلعمري فالفحوصات الطبية اللي تدارت لهم اكدت ان الاصابات اللي عندهم خفيفة، وغايخدم معهم الطاقم الطبي للرجاء الرياضي باش يوجدهم للماتش الجاي ضد الجيش الملكي، اللي غايكون يوم السبت المقبل فتيران مكناس، وبنسبة كبيرة غايكونو اللاعبين بجوجهم مشاركين فيه.

ومنح حفيظ عبد الصادق اليوم الاحد كيوم راحة للفريق، وغدا الاثنين غايبداو التداريب فلاكاديمي ديال النادي، وغايمشيو يدخلو فمعسكر تدريبي ابتداء من الاربعاء حتى الجمعة المقبل فبنسليمان ويمشيو لمكناس باش يلعبو ضد الجيش الملكي يوم السبت.