گود سبور//

مشاو المنتخب الوطني المغربي النسوي لأقل من 17 عام، صباح اليوم الأربعاء 15 ماي 2024 إلى الجزائر فرحلة مباشرة انطلاقا من مطار وجدة أنجاد، باش يلعبو الماتش ضد المنتخب الجزائري بعد غد الجمعة ديال الدور الثالث من الإقصائيات الإفريقية المؤهلة لنهائيات كأس العالم اللي غاتكون فجمهورية الدومنيكان.

وكان المنتخب الوطني النسوي لأقل من 17 سنة، ربح المنتخب الجزائري فماتش لالي، اللي تلعب فالتيران البلدي بمدينة بركان الجمعة الماضي، بنتيجة أربعة أهداف مقابل لاشيء، ودار رجليه الأولى فالدور الجاي، ودابا غايمشي المنتخب المغربي باش يزكي هاد النتيجة، فماتش الروتور ويرجع بالتأهل من لالجيري.