گود سبور//

اكد الدولي التنزاني السابق سايمون مسوفا النجم السابق للوداد الرياضي، انه ما عندو حتى شي مشكل مع الفريق ولكن المشكل ديالو مع الرئيس الأسبق سعيد الناصيري.

وهضر سايمون مسوفا اللي كاين مع منتخب تنزانيا هنا فمدينة وجدة استعدادا لمواجهة المنتخب المغربي ضمن اقصائيات كاس العالم 2026، وقال فتصريح لـ “گود”: “ماعندي حتى شي مشكل مع الوداد والبروبليم ديالي سعيد الناصري، راني متبع الوداد وكانتفرج فيهم وكانشجعهم”.

وكان سايمون مسوفا مشى من الوداد الرياضي قبل 4 سنوات بطريقة مثيرة للجدل ملي كان الرئيس الأسبق سعيد الناصيري، وحكمت له من بعد الطاس والفيفا.