الرئيسية > آش واقع > بعدما دوز مسكين أكثر من 20 يوم فالحبس .. البراءة “لأنسبيكتور” بفاس متهم بالرشوة
15/11/2018 20:00 آش واقع

بعدما دوز مسكين أكثر من 20 يوم فالحبس .. البراءة “لأنسبيكتور” بفاس متهم بالرشوة

بعدما دوز  مسكين أكثر من 20 يوم فالحبس .. البراءة “لأنسبيكتور” بفاس متهم بالرشوة

عمـر المزيـن – مكتب الرباط//

كيقوليك المتهم برييء حتى تثبت إدانته وهادي هي القاعدة. اليوم الخميس المحكمة  الابتدائية بمدينة فاس قررت تبرئة بوليسي عندو كراد ديال مفتش شرطة كان كيخدم فالدائرة الأمنية 15 اللّي تابعة للنفوذ الترابي ديال المنطقة الأمنية الرابعة بنسودة. كان توبع بمطالب من النيابة العامة من أجل “الارتشاء”.

وجاء تبرئة هاد البوليسي الذي قضى أزيد من 20 يوم رهن الاعتقال الاحتياطي بسجن بوراكايز ضواحي المدينة، بعدما اقتنعت المحكمة ان الملف ديالو مافيه حتى شي قرينة تدينه بقوة القانون. والقضاء كان اسمع حتى للزملاء ديالو بما فيهم رئيس الدائرة. وحتى المشتكي لم ينتصب طرفا مدينة فالمواجهة ديال المتهم.

وكانت الفرقة الجهوية ديال الشرطة القضائية بفاس قد أوقفت هاد البوليسي وحجزات ليه 1000 درهم قيلت أنه “رشوة” قدمها أحد المواطنين اللي بلغ عليه فالخط المباشر اللي وضعاتو رئاسة النيابة العامة للتبليغ على الفساد والرشوة. الضحية كان اتهم البوليسي بالابتزاز مقابل يصوب ليه محضر فقضية كتعلق بسوء الجوار.

موضوعات أخرى

15/12/2018 13:00

غير يكون بنادم كابر بالخبز وأتاي فهادي كافية أنه تردو وطني حقيقي غيور على البلاد وهو لي عارف مصلاحتها، وهذا هو الموضيل الجديد ديال ولد الشعب

15/12/2018 10:00

الحلقة الأخيرة من سلسلة “مرايا الأمراء والملوك والسلاطين المغاربة”…كيفية وطرق تمويل الشرعية السياسية للملوك المغاربة !! ح 180