الرئيسية > تبركيك > بعدما دوزات 3 شهور.. “نعيمة” اللي كانت قالت للمتتبعين ديالها كورونا ماكايناش خرجات اليوم من الحبس
18/06/2020 12:22 تبركيك

بعدما دوزات 3 شهور.. “نعيمة” اللي كانت قالت للمتتبعين ديالها كورونا ماكايناش خرجات اليوم من الحبس

بعدما دوزات 3 شهور.. “نعيمة” اللي كانت قالت للمتتبعين ديالها كورونا ماكايناش خرجات اليوم من الحبس

عفراء علوي محمدي- كود//

بعدما دوزات العقوبة ديالها السجنية اللي تحددات ف3 شهور، اليوتوبور “مي نعيمة” خرجات من حبس  عكاشة، صباح اليوم الخميس.

نعيمة، اللي عندها قناة فاليوتيب كيتابعوها مئات الآلاف، تحاكمات بتهم كتتعلق بالتضليل ونشر محتوى رقمي زائف بواسطة الأنظمة المعلوماتية.

وكانت نعيمة (48 عام)، نشرات فيديو على صفحتها ف”يوتوب” كتشكك فيه فحقيقة انتشار فيروس كورونا المستجد فالمغرب، وكتعتبر الأمر مجرد إشاعة.

ابتدائية فكازا عطات لنعيمة عام ديال الحبس، قبل ما تخفض عقوبتها محكمة الاسئناف لثلث شهور.

وكانو مجموعة من النشطاء على مواقع التواصل الاجتماعي طالبو بإطلاق سراح “مي نعيمة”، على اعتبار انها اعتارفات بالخطأ ديالها، وماقارياش وماواعياش بداكشي اللي دارت.

موضوعات أخرى

16/07/2020 15:49

ميدي 1 تي ڤي: طرد بلهيسي ما عندو علاقة بنشاطو النقابي وهاد اش دار والحكم بيناتنا القانون وعزيز فتحي: ادارة العار حولات القناة مسرح للانتقام