الرئيسية > كود سبور > بعدما دخل فيها الكَاردكور ديالو بطوموبيلتو “بوكَاتي”.. رونالدو غيصلح الدار اللي تضررات من هاد الكسيدة
24/06/2022 05:00 كود سبور

بعدما دخل فيها الكَاردكور ديالو بطوموبيلتو “بوكَاتي”.. رونالدو غيصلح الدار اللي تضررات من هاد الكسيدة

بعدما دخل فيها الكَاردكور ديالو بطوموبيلتو “بوكَاتي”.. رونالدو غيصلح الدار اللي تضررات من هاد الكسيدة

وكالات //

النجم البرتغالي كريستيانو رونالدو، مهاجم فريق مانشستر يونايتد الإنكَليزي لكرة القدم، عطى وعد باش يخلص الخسائر اللي تسببات فيها الكسيدة اللي دار الكَاردكور ديالو بطوموبيلتو من الماركة الطاليانية “بوكَاتي فيرون” (Bugatti Veyron)، فالصباح ديال نهار الإثنين الفايت.

الطوموبيل ديال رونالدو ساوية 1.7 مليون جنيه إسترليني، وواحد من ليكَاردكور ديالو واحد الوقيتة فاش كان سايكَها، وهو فطريقو جايبها لرونالدو اللي كيدوز حاليا عطلتو الصيفية مع فاميلتو جزيرة مايوركا الإسبانية، مابقاش قدر يتحكم فالديريكسيون ودخل فدار ودكَدكَ طرف منها، وخصوصا الماكَانة ديال الما.

وقال مول الدار اللي تضررات فتصريحات لجورنال “Ultima Hora” اللي كيصدر من مايوركا : “مشيت لدار رونالدو، واستقبلني راجل وواحد المرا ضريفين بزاف، وتعتملو معايا مزيان ووعدوني نيابة على كريستيانو بللي غيخلصو كَاع تكاليف كل الأضرار اللي وقعات لداري بسباب كسيدة البوكَاتي”.

وزاد كَال: “خبروني باش نحافظ على الفاكتورات بعدما نصلح كلشي باش يعوضوني من بعد”.

موضوعات أخرى

29/06/2022 15:04

التراكتور بجوج وجوه. البام اللي دار كلشي باش يدخل للحكومة ويتنقد من الانقراض داير معارضة لوزراء لحمامة. كلفو لمهاجري مول فضيحة طنجة: وزراءنا خدامين بما يرضي الله وديال الاحرار دايرين الفساد فالصفقات

29/06/2022 14:00

جنايات مراكش نقصات الحبس للنايب السابق للعمدة اللي مشدود بتهمة النصب على فنانة شعبية.. خلاو ليه 8 شهور من بعدما تحكم ابتدائيا بعام ونص

29/06/2022 13:50

دعم مغربية الصحرا.. لخطاط ينجا تلاقى بقنصل السينكَال فالداخلة وناقشو تطوير التعاون فالفلاحة والصيد البحري والسياحة – تصاور