كود سبور//

رجع الأمل للحياة المهنية ديال الدولي الفرنسي بنجامين ميندي، اللي كانت الكاريير ديالو ف كرة القدم مهددة بسبب تهم الاغتصاب اللي كانت موجهة له.

وبعد 4 أيام فقط من صدور حكم تبرئة بنجامين ميندي ببريطانيا من تهم الاغتصاب ومحاولة اغتصاب أخرى، قدر اللاعب السابق لمانشستر سيتي يلقى فريق جديد يلعب معه بعدما سالا العقد اللي عندو مع المان سيتي.

وأعلن فريق لوريون الفرنسي غير دابا أنه سنا مع اللاعب بنجامين ميندي الظهير الأيسر مول 28 عام، عقد لمدة 2 مواسم، غيلعبهم معه، وهذا الشي بعدما دوز التيست مديكيال ونجح فيه.

وسبق لبنجامين ميندي، الفوز بكأس العالم 2018 مع المنتخب الفرنسي، وربح الدوري الإنجليزي الممتاز مع مانشيستر سيتي 4 مرات، قبل ما يتوقف على اللعب من شهر غشت 2021 حيت تشد فقضية اغتصاب خرج منها براءة.