الرئيسية > تبركيك > بعدما خرجو المحابسية اللي معاه بلا مايخلصو الغرامة وهو بقا مشدود.. إسباني بدا إضراب على الماكلة فحبس تطوان
24/01/2022 16:00 تبركيك

بعدما خرجو المحابسية اللي معاه بلا مايخلصو الغرامة وهو بقا مشدود.. إسباني بدا إضراب على الماكلة فحبس تطوان

بعدما خرجو المحابسية اللي معاه بلا مايخلصو الغرامة وهو بقا مشدود.. إسباني بدا إضراب على الماكلة فحبس تطوان

كريم الشركي – كود //

قالت صحيفة “إل فارو دي سيوتا”، أن محابسي صبليوني دخل فإضراب عن الطعام  فحبس تطوان بعدما تسالات مدة محكوميتو، وبدا كيدوز ففترة الإكراه البدني فقضية تعويضات خاصة بالجمارك.

وقالت الصحيفة أن هاد الشاب الصبليوني كان دخل للمغرب هو وشخص إسباني آخر ومغربي فزودياك ملي كانت الحدود مسدودة، وكان باغي يتزوج بنت مغربية، ولكنهم تشدو وتحكمو بعامين ديال الحبس و بـ1,8 مليون أورو كغرامة لصالح الجمارك، رغم أنه ماشدو عندهوم حتى حاجة.

وبعد انقضاء سنتين، قالت ذات الصحيفة أن المتهمين الآخرين خرجو من الحبس واخا ماخلصوش الغرامة، في حين تم الإبقاء على الشاب المذكور اللي دخل دبا فإضراب على الماكلة، لأنه حس بالحكَرة وكيطالب يطلقو سراحو حتى هو لأنه مستحيل يقدر يخلص غرامة ماعندوش منين يجيب فلوسها أصلا.

وسبق للمندوبية العامة لإدارة السجون ف شتنبر 2021،  نشر بلاغ ضد “مزاعم وأكاذيب منشورة بإحدى الصحف الإسبانية حول الوضعية المزرية للسجناء الإسبان بالسجن المحلي بتطوان” وأوضحت إدارة المؤسسة السجنية المذكورة حول استمرار اعتقال سجناء من جنسية إسبانية بالمؤسسة، رغم انقضاء مدة عقوبتهم،  “إنه ادعاء لا أساس له من الصحة، حيث إن إدارة المؤسسة حريصة على تطبيق القانون في ما يتعلق بحماية شرعية الاعتقال، إذ تطلق سراح كل من انتهت مدة محكوميتهم في تنسيق مع الجهات القضائية المختصة”.

https://elfarodeceuta.es/preso-carcel-tetuan-huelga-hambre-injusticia/

موضوعات أخرى