گود سبور//

عاقب الاتحاد الجزائري لكرة القدم، فريق شباب قسنطينة الجزائري بسبب الأحداث اللي وقعت فماتش الفريق ضد اتحاد العاصمة قبل اليومين ضمن البطولة الجزائرية والشغب اللي داروه الجمهور ديالو.

وأصدرت لجنة الانضباط التابعة للاتحاد الجزائري لكرة القدم اليوم الأربعاء عقوبات قاسية على شباب قسنطينة بسبب الأحداث الخطيرة اللي كانت فماتش اتحاد العاصمة، وعاقبت الفريق بـ6 الماتشات بلا جمهور والمنع ديالو من التنقل مع الفريق خارج الملعب ديالو.

وكان جمهور شباب قسنطينة دار روينة فماتش اتحاد العاصمة وخرب التيران هبط للگازون وشعل العافية، فواحدة من أخطر الأحداث اللي يقدر يعرفها ماتش ديال الكورة.